ابڙو اڪيڊمي Abro Academy
2020-07-18
داخلا نمبر 540
عنوان هُد هُد
شاخ پکي
پڙهيو ويو 405
داخلا جو حوالو:
هُد هُد
هُد هُد
هن پکيءَ جي جسامت 30 سينٽي ميٽر آهي. نر ماد هڪجهڙا هوندا آهن. چهنب سنهي ڊگهي ۽ هلڪي خمدار هوندي اٿس. مَٿو، ڳچي، ڪنڌ، ڇاتي ۽ پٺيءَ جو مٿيون حصو بادامي ناسي ٿئيس ٿو. پَـرن ۽ پڇ تي اڇا ڪارا پٽا اٿس ۽ مٿي تي کنڀن جو سهڻو تاج ٿئيس ٿو. جنهن جون چوٽڙيون ڪاريون هونديون آهن.
هُدهُد پنهنجي ڊگهي چهنب سان جيت ۽ ڪِرڙيون ڳوليندو رهندو آهي ۽ پٿر، گاهه ۽ کڏن مان سولائي سان جيت پڪڙي وٺندو آهي. ان ڪوشش ۾ اهو اڪثر زمين تي نظر ايندو آهي. ھُدھُد اوڏهين جي دڙن ۾، ديوار ۾ يا وڻ جي ٿڙ ۾ سوراخ ٺاهي ان ۾ رهندو آهي. سڄي آفريڪا، يورپ ۽ ايشيا ۾ پکڙيل آهي ان جي ٻولي نرم آواز ۾ ”هُوپ هُوپ“ آهي، جنهن تان اهو نالو پيو اٿس. هي ماحول : 6 جو پکي آهي.